top of page
IMG-20260505-WA0029.jpg

Nos Mishon

Nos mishon ta pa nos ekstendé un preparashon teológiko básiko pa hende hòmber i hende muhé pa ku e ministerio  ku e vishon bíbliko di Pablo na e idioma Papiamentu, pa pastornan sin entrenamentu, lídernan di iglesia, lídernan potensial den iglesianan di Aruba, Bonaire, Hulanda i rònt mundu.

DIKON STUDIA NA CARIBBEAN GRACE BIBLE INSTITUTE?

Caribbean Grace Bible Institute ta distinguí fo’i mayoria institutonan bíbliko pa motibu di su manera di siña studiantenan kon pa komprondé Beibel n’e forma ku apòstel Pablo tabata uza pa siña e iglesianan ku el a funda. Apòstel Pablo parse tabata siña e iglesianan ku nan por parti Beibel den periodonan distinto, yamá dispensashonnan, den kua Dios ta dil ku su pueblo i ku mundu.  

Apòstel Pablo ta e úniko apòstel ku – via su kartanan despues di su kombertimentu - Hesus a duna e revelashon kompletu akí, esta, ku e Iglesia, e Kurpa di Kristu, no ta bibando bou di e Dispensashon di Lei, sino awor bou di e Dispensashon di Grasia [Rom. 6:14]. E bèrdat revelá akí ta loke a yuda miles di studiante di beibel bin na komprondé Beibel i kon pa aplik’é den nan propio bida. 

Akibou awó bo por skucha algun testimonio tokante kon e forma di aserká Beibel akí a yuda nan den nan komprondementu di Beibel pa ku nan bida di awendia.

Testimonials

Elfried Hooi

Jovanka Brijita

Charlene Josephina

Nos Dosentenan

Deskubrí nos maestronan dediká! Klik riba nan nòmber pa siña mas tokante nan perfil i eksperensia.

DEKLARASHON DI DOKTRINA

  • Nos ta sostené ku Beibel ta Dios su Palabra revelá na humanidat, kompletamente inspirá den tur parti, outoridat, i liber di eror den su skirbimentunan original.

  • Nos ta afirmá ku tin un Dios ku ta eksistí eternamente den tres persona: e Tata, e Yu i e Spiritu Santu.

  • Nos ta kere ku Hesu kristu ta divino, a nase di un bírgen, a biba un bida sin piká, a hasi milagernan, i a muri na krus pa kumpli ku nos redenshon. Nos ta kere den Su resurekshon korporal, Su asenshon na shelu, Su interseshon kontinuo na nos fabor, i Su futuro regreso na tera den poder i gloria.

  • Nos ta kere ku Spiritu Santu ta un ser personal i divino ku ta trese nasementu nobo i ta biba den kreyentenan, empoderando nan pa biba un bida hustu.

  • Nos ta kere ku tur hende a wòrdu kreá den e imágen di Dios, pero pa medio di piká a bira separá for di djE. E separashon aki por wòrdu rekonsiliá solamente pa medio di fe den Kristu so, hasí posibel dor di Su morto i resurekshon.

  • Nos ta kere den e unidat spiritual kompartí pa tur kreyente den Señor Hesu Kristu.

bottom of page