Tur e kursonan bíbliko di dos aña lo ta grabá di antemano of Zoom live graba i studiantenan por sigui nan via e wèpsait di e instituto. Pastornan Carlos Brunk i Michael Look, e dosentenan prinsipal di e programa bíbliko di dos aña, lo ta disponibel tantu via e wèpsait di e instituto, CGBI, komo via Zoom. 

​

Programa bíbliko durashon di dos (2) aña 
Na final di e programa bíbliko di un aña e studiantenan lo risibí un sertifikado di partisipashon aktivamente den nan programa bíbliko di dos aña. 

Kursonan di Programa Bíbliko di dos (2) aña

1. Resúmen di Tèstamènt Bieu;  

2. Resúmen di Tèstamènt Nobo;

3. Teologia Sistemátiko - E kurso aki ta organisá i splika kreensianan religioso dor di agrupá siñansanan den temanan kla i unifiká manera Dios, salbashon, etc.

4. Teologia di Dispensashonnan- ta un sistema di Teologia ku ta siña ku Dios ta traha ku humanidat den diferente periodo (òf “dispensashon”), kada un ku su propio responsabilidatnan i ekspektativanan.
    

Evaluashon / Diskushon di Tarea di Kas: Via Zoom – un bia pa siman un ora i mei [9.00].

Èksámennan: Lo no tin! 

Kosto pa inskripshon, kurso,  buki i materialnan teológiko

Kada studiante, ku registrá pa e Programa Bíbliko di dos (2) aña, lo mester paga:  inskripshon, e kurso i e buki i materialnan teológiko

• Kosto pa e kurso di Programa Bíbliko pa e promé aña: XCG. 450 - $255 - €225 – f450 Arubiano
• Kosto pa e kurso di Programa Bíbliko pa e di dos (2) aña: XCG. 450 - $255 - €225 – f450 Arubiano

Si kompletá e pago di e trimester kompletu, dia di registrashon, ta haña 5% di deskuento. Adishonal ta duna tur pareha, pastor, adulto riba 60 aña, studiante eskolar i hóben ku no ta traha, tambe 5% di deskuento. Un studiante por haña un máksimo di 15% di deskuento.