A funda ‘Caribbean Grace Bible Institute’, C.G.B.I., ku e intenshon di por ekstendé un entrenamentu teológiko básiko pa pastornan, lídernan di iglesia i lídernan potensial den nan lenga materno, Papiamentu – i asina tambe yuda ku entrenamentu i otro iglesianan di Aruba, Bonaire, Curaçao i Hulanda. E programa ta konsistí di un preparashon di un (1) aña i unu di dos (2) aña di estudio den Teologia di Grasia. E programa di preparashon di un aña lo ta disponibel pa tur studiante ku registrá i sigui via e wèpsait di e instituto, CGBI. 

Tur e kursonan bíbliko di un aña lo ta grabá di antemano i studiantenan por sigui nan via e wèpsait di e instituto. Pastornan Carlos Brunk i Michael Look, e dosentenan prinsipal di e programa bíbliko di un aña, lo ta disponibel tantu via e wèpsait di e instituto, CGBI, komo via Zoom. 

​

Programa bíbliko durashon di un (1) aña 
Na final di e programa bíbliko di un aña e studiantenan lo risibí un sertifikado di partisipashon aktivamente den nan programa bíbliko di un aña. 

Kursonan di Programa Bíbliko di un (1) aña

1. Kurso Interpretashon di Beibel Nivel 1 : sèptèmber

2. Kurso Interpretashon di Beibel Nivel 2 : òktober pa desèmber

3. Kurso E Arte di Prediká- Homilétika : yanüari pa mart 

4. Kurso Komprondé Beibel : aprel pa yuni

​

Skema di Trimester 2026-27

​

Rooster di Skol 2026-27

Evaluashon / Diskushon di Tarea di Kas: Via Zoom – un bia pa siman un ora i mei [9.00].

Èksámennan: Lo no tin! 

Kosto pa inskripshon, kurso,  buki i materialnan teológiko
Kada studiante ku registrá lo mester paga : inskripshon, e kurso, e buki i materialnan teológiko. 
Ad 1 & 2.- Kurso Interpretá Beibel  nivel 1 & 2 = XCG. 150 - $85 - €75 - f150 Arubiano
Ad 3.- Kurso Arte di Prediká - Homilétika  = XCG. 150 - $85 - €75 - f150 Arubiano
Ad 4 - Kurso Komprondé Beibel = XCG. 150 - $85 - €75 - f150 Arubiano

Si kompletá e pago di e trimester kompletu, dia di registrashon, ta haña 5% di deskuento. Adishonal ta duna tur pareha, pastor, adulto riba 60 aña, studiante eskolar i hóben ku no ta traha, tambe 5% di deskuento. Un studiante por haña un máksimo di 15% di deskuento.